曾有讀者來論，認為本報經常說香港呢個「福地」氣數已盡，多少有點危言聳聽，並指香港失業率低，幾乎全民就業，有些三人單親家庭，每月攞成萬四蚊綜援依然嫌這嫌那，記者問佢不用工作都有萬四蚊家用是否覺得很寫意，佢就咁回應：「這是政府欠我們的，我覺得還不足夠。」你話喇，連攞綜援嘅都咁有「要求」，香港又點會沉淪呢？
其實，香港正在沉淪，即使盲嘅都感覺到，假難民、南亞兵團固然成為社會安寧嘅炸彈，而冇神經政府一味好整以暇，搞到家陣尾大不掉，元朗、人間妖域蘭桂坊、油尖旺、深水埗、灣仔等一帶居民，出入安全大受威脅！
其次，旅遊業呈斷崖式下跌，除了經濟因素，主要是「驅蝗」惡果，搞到零售、服務業嗌晒救命；而政府後知後覺，雖然知道要「救亡」，卻又沒有甚麼實際有效的措施出台，一味口噏噏坐而論道！本報《探射燈》寫「士多結業潮湧現」，皆因受到超市及便利店夾擊，加上經濟下行，士多老闆掙扎求存，惟有劈價、送貨、無休！「掙扎」兩字，可圈可點，老朽想起古龍小說《蝙蝠傳奇》，其中一節寫天邊的海上漂浮着一葉木筏，最奇特的是，這木筏竟然是用六口棺材拼成，「六口棺材竟像是真的變成一艘輕舟，破浪前行。」如此詭譎的想像力，怕只有古龍想得出！
這情節蠻有意思，一個人若還能「掙扎」，至少還能抵抗，至少依然有一線生機，然而，若只能坐在那裏「等運到」，那就太可怕了！
士多懂掙扎求存，而港府一眾高官，除了「官到無求膽自大」的傲慢還有甚麼？香港嘅「四大支柱」及「六大優勢產業」，在無能高官的「帶領」下，無不搖搖欲墜，岌岌可危！冇神經政府若然仍自我感覺良好，水浸眼眉還不懂掙扎求生，香港呢個「金融中心」將係咁先！