標準工時委員會嚟緊會喺月底再展開第二輪公眾諮詢，面對勞方代表繼續全面杯葛兼退出會議，同埋另起爐灶收集勞方意見嘅情況下，標委會主席梁智鴻(金刀梁)尋日話感到失望同埋心痛，但佢就繼續死撐，聲稱話勞方退出都唔會有問題，仲話可以喺其他方面收集勞方意見，然後繼續寫報告。金刀梁咁講簡直係打腫臉充胖子，死撐都冇用，事關等到份報告出咗嚟，勞方唔會收貨，亦唔會認同報告入面有關勞方嘅意見，咁份報告就等於報廢喇！
