中環出更：李漢奸當肥佬黎屋企做停車場
外號「李漢奸」嘅民主黨創黨主席李柱銘同壹傳媒集團前主席黎智英（肥佬黎，圓圖），每隔一段時間就會密會攪局，而李漢奸尋日一朝早就駕駛私家車抵達肥佬黎位於何文田寓所，不過今次就係當肥佬黎屋企車位係停車場，將其私家車泊咗大半日，直至下午時分，李漢奸先返回肥佬黎寓所，走去攞車時彎起身狀似寒背，有多少得意忘形，莫非係同唔使畀錢泊車有關？
尋日早上九時，李漢奸駕駛私家車到肥佬黎位於何文田寓所，但今次一反常態，無直接走入黎宅，而係將私家車泊於黎宅嘅車位，隨後即會合肥佬黎並轉乘其名下私家車離開。事隔七個多小時後，李漢奸於下午四點半，又乘私家車返回黎宅，當時身穿便服嘅李漢奸手持環保袋落車，其後就攞番自己部車駛走，但係今次就唔見肥佬黎嘅蹤影。
李漢奸今次當肥佬黎屋企係停車場，移形換影同肥佬黎一同坐車外出，大半日後先將其私家車駛走，究竟今次車出車入如此轉折，背後係咪又想密謀搞搞震？
卓妮