政情：麥明詩公幹 男友「作」反了
走中間路線嘅民主思路尋日喺灣仔呼籲市民登記做選民，大律師兼「港姐男友」林作首次以民主思路青年團隊成員身份現身，港姐女友麥明詩（Louisa）就沒有同行。林作話，Louisa對政治無興趣，加上目前在內地拍劇，無時間出席，佢仲話因為女友唔喺身邊，可以趁機出嚟識吓女仔喎！佢叫林作啫，唔通跟個名一樣要「作」反？
積極考慮出戰立會
林作早前在訪問中透露，如果民主思路邀請自己出戰九月立法會選舉，會積極考慮，佢尋日重申對參選持開放態度，但現時並無任何具體計劃。佢又話，自己只係民主思路青年團隊成員，未有加入理事會嘅打算，但指民主思路並無規定必須由理事代表出選，莫非為出選留定後路？
另外，民主思路理事會成員將於下周訪京三日，未知會否見內地官員；他們亦在下周約見民政事務局局長劉江華，交流政策上的意見。