吸盤引產Ｂ女亡高齡媽轟聯院

「努力咗兩年，終於有咗，好似中咗六合彩咁開心！」詹氏夫婦為生兒育女花盡積蓄，去年終於如願，詹太高齡懷孕，全家滿心歡喜迎接小生命。豈料，詹太今年一月尾在聯合醫院足月催生，因產程進度緩慢，醫生用「真空吸盤」始成功吸出BB女。但女嬰情況愈來愈差，翌日發現顱外大量出血，其後轉送瑪嘉烈醫院洗腎，再發現嚴重顱內出血，轉院兩日後不幸離世，與父母僅短短相聚八天。詹太質疑醫生用真空吸盤不當導致悲劇，她考慮向醫務委員會投訴。

琳琳出世後因呼吸、腦部等問題，轉至新生嬰兒深切治療部，滿身插滿儀器，父母心痛不已。（受訪者提供）

40歲結婚努力兩年終懷孕

詹太四十歲結婚後，與丈夫計劃生育，不但辭工休養，更經常走訪內地多間醫院做身體檢查及買藥，花費約十萬元，去年五月終如願懷上首胎。她拭淚憶述︰「努力咗兩年，全家好期待BB到來……依家每朝早見到BB衫、BB床都忍唔住喊。BB點解會死？」

詹太一直於聯合醫院婦產科檢查，胎兒狀況健康。今年一月廿八日，即懷孕卅九周作最後一次產前檢查，發現血壓高，即日安排入院觀察。

她翌日仍感頭痛，醫生建議催生。但產程進展緩慢，詹太由廿九日早上催生至一月卅日凌晨仍未分娩，她曾向女醫生要求「可否開刀生？」醫生回應「你仲有精神講嘢，不如再努力吓，我用吸盤輔助你」，期間另一名女醫生協助。BB女詹雪琳終於凌晨三時廿七分出世，但隨即出現呼吸困難、發燒及顱外出血等問題，轉至新生嬰兒深切治療部（ICU）急救。