政情：今日你上鏡：項明生遊韓賞櫻遇「桃花」

由電腦遊戲達人發展到現時旅遊達人及專欄作家的項明生（James），一直以來都唔多覺佢嘅另一半，呢位「鑽石王老五」究竟情歸何處呢？相信James嘅「粉絲」一直都好想知道。其實James經常周遊列國，或者可以結下異地情緣都未定呢？唔係講笑o架，事關佢啱啱去咗韓國慶州及釜山賞櫻花，即刻就有艷遇。話說前晚James在慶州拍攝櫻花時，就有一名韓國女生要求同佢Selfie（自拍照），仲讚佢靚仔添，搞到James都話要考慮移民韓國享受退休生活。不過，有網友就笑指咁就唔係退休啦，而係生兒育女囉！