立法會財務委員會前日喺混亂中通過高鐵追加撥款申請，但表決一刻有建制派議員被發現「舉錯手」，無論支持或反對都舉手。涉事者之一嘅工聯會陳婉嫻就話，佢當時「絕對唔係」舉手，而係處於「落與唔落之間」，投票重要時刻都會出現「落與唔落」嘅誤會。隻手落與唔落之間咁高難度，難道係舉旗不定？至於同樣被指「舉錯手」嘅梁美芬就答得相對得體，佢話當時太嘈想投訴，所以就舉手，並唔係舉手反對喎。如果唔係泛民議員嘈生晒，呢個解釋都唔成立啦！
