政情：公民講場：舊電池「智」語 折煞民主阿婆

行政會議成員陳智思於九八年，以年僅三十三歲當選首屆立法會保險界議員，自此走入政圈出任多項公職，包括於九七回歸後三任特首均做過行會成員，至今於政界唔經唔覺打滾近廿年，佢尋日接受傳媒訪問時忽然自嘲係「舊電池」，又話計劃做完呢個任期就會離開行會，原因係可以提供嘅建議同意見都畀咗，認為應該畀機會予新人。現年五十一歲嘅陳智思都自稱係「舊電池」，對於較陳年長逾廿載，向來被批不甘寂寞嘅「民主阿婆」前政務司司長陳方安生來講，佢分分鐘連茄喱啡都不如，唔知可以如何自處嘞！