探射燈：網傳滅鼠法 亂試易中招

網上流傳各式各樣的滅鼠方式：「用大水桶放入三分一嘅水，撒上一層稻草遮蓋水面，再放上食物，當老鼠跳上稻草進食時，就會跌落去淹死」；「將粟米、大米等混埋水泥，放喺老鼠出沒嘅地方，等老鼠食咗就會因便秘腹脹而死」。不少網民得知後均表示「恐怖」、「殘忍」。

長鉗夾走 免被「咬番轉頭」

「買老鼠膠板、或者老鼠籠，放置由新鮮小麥磨成嘅粉末就應該唔難捉到；但老鼠藥就未必有用，佢哋可能唔食，用新鮮食材捉到機會大啲，又或者加防蚊網，老鼠爬渠從窗入屋嘅機會大為減少。」香港蟲害控制從業員協會會長梁廣源建議，捉老鼠時應用長鉗夾走，兼用膠袋包好，「千萬唔好用手或短鉗去處理，試過好多人被未死嘅老鼠咬番轉頭，咁做好危險。」