政情：公民講場：空中「哭喪」 Greg蘇零檢討

立法會泛民主派議員拉布拉死《二○一四年版權（修訂）條例草案》，商務及經濟發展局局長蘇錦樑（Greg蘇）繼前日在立法會大會發言時鬧爆泛民後，尋日繼續喺電台節目「哭喪」，話版權法修訂胎死腹中，令佢百般滋味在心頭，仲炮轟泛民議員在最後的立法階段被民粹挾持，向不理性的聲音「跪低」，以「拉倒條例草案為己任」，不斷製造流會及發表「純屬臆測」的言論，散播恐慌。其實Greg蘇作為問責官員又有冇檢討過自己做得好唔好呢？事後一味推卸責任鬧人，難怪連建制派內部都批評佢係建制派「豬隊友」！