政情：「鼎」唔順新派宣傳唔精緻
香港零售業處於寒冬，不少商界人士都會用新媒體推銷產品，但原來宣傳都相對冇咁精緻。鐘表業總會前主席高鼎國（Geoffrey）忙於為家族鐘錶生意轉型，推廣產品同宣傳都開始由傳統媒體轉為多用新媒體，但佢就大呻客戶要求宣傳要快，搞到冇乜時間做，所以相對都冇咁精緻。
搞「差異化」 生意難做
Geoffrey話，依家經濟已經到頂，加上市場轉型，宣傳都會用多啲YouTube、微信等新媒體，但做宣傳就好似網上新聞一樣速度要快好多，咩都要即時提供資訊，訊息要做又平又靚又快，宣傳就唔可以有咁多計劃，亦都冇咁精緻。佢又話，依家客人嘅要求都高咗好多，產品要搞「差異化」，即係有少少似DIY，賣到唔同市場都要有啲改變，但又唔可以令成本上升喎，聽落生意真係好難做。