政情：公民講場：大律師反擊：鍵戰斷章取義

「拉布」多時嘅《二○一四年版權（修訂）條例草案》隨着商務及經濟發展局局長蘇錦樑（Greg蘇）提早設下死線，意味草案勢將面臨第二次拉倒。不過，大律師公會尋日再度發表立場書力撐草案，更逐點駁斥「鍵盤戰線」早前對公會嘅批評係以偏概全及斷章取義，存在謬誤，強調版權係受法例保障嘅私有產權，應該受尊重，並呼籲各方捨棄對立抗爭嘅態度，研究可行方案。不過，「拉布」議員尋日已推出拉布更表，更表明會再提休會待續動議，勢要拉死草案，睇來大家都可以慳番啖口水，唔使再駁來駁去喇！