綠色先鋒：廢紙再造製「牛仔布」
除了教授利是封再造錢罌，Joyce亦是環保時裝品牌創辦人。時裝設計往往為追潮流製造大量污染，她指大型時裝品牌推出新系列時往往會浪費極多「靚布」，故與拍檔Kelvin推動可持續發展的時裝系列，還將廢紙再造滲入設計中。
大品牌浪費成風
「讀時裝設計嘅時候發覺時裝行得好快，做出嚟嘅衫浪費咗嘅布好多好多。」Joyce見盡行業內浪費成風，利用剩餘的布匹作設計，不但能夠達環保效果，成本亦都減低，「好多布係啲大brand（品牌）用剩嘅，一卷卷完全未用過。」
除了將布用得其所，Joyce還在新推出「牛仔布」系列中利用廢紙再造，作品的手感和真的牛仔布似得驚人，「呢個系列其實係用廢紙攪碎造成線，再用熱壓技術變成布，靚得嚟好環保。」