政情：公民講場：郭偉強「追數」 鬧「人」狂抽水

新一份施政報告未有回應勞工界嘅訴求，對於取消強積金對沖機制、標準工時立法、落實全民退保等棘手議題，唔係輕輕帶過就係隻字不提。尋日施政報告致謝議案辯論中，工聯會（工記）立法會議員郭偉強「追數」時話，如果唔係當年工記努力爭取將標準工時及取消對沖機制寫入特首競選政綱，依家根本唔存在工黨李卓人成日掛喺口邊嘅追數問題，炮轟李卓人其後先加入抽水，坐享其成，仲話做「馬後炮永遠最容易」。