政情：公民講場：顧嘉煇被「離開」馬逢國死撐

體育、演藝、文化及出版界立法會議員馬逢國，日前為版權修訂條例草案發言護航時「口出狂言」，指香港作曲家及作詞家協會（CASH）會員包括「『已經離開咗我哋』嘅顧嘉煇、黃霑等作曲作詞人」，不但嚇親被宣布「死訊」嘅顧嘉煇要發聲明澄清自己健在，仲被人民力量陳志全狂寸，指顧嘉煇本月底將會舉辦慈善演唱會。馬逢國尋日重提誤報事件，仍然死撐當日只係話顧嘉煇「離開樂壇」，不滿有人藉機炒作喎！不過，學佢自己話齋，顧嘉煇仲邀請佢出席月底嘅慈善演唱會，連樂壇都未離開，馬逢國到呢刻仲要死雞撐飯蓋？