中環出更：林健鋒聞主播叫人問囝囝
行政會議成員兼立法會議員林健鋒（Jeffrey）的兒子林凱章，早前被人影到與靚女前主播周嘉儀在台北街頭手拖手，認真甜蜜。Jeffrey尋日與傳媒團拜時，聽到「周嘉儀」三字立即黑面拒評，反叫記者直接詢問林凱章，疑似不太認同兒子的眼光，看來周嘉儀若要入林家都並非易事。不過，卓妮尋日喺一個團拜活動時到時追問過林凱章拍拖一事，點知佢話團拜唔識合答呢啲問題喎，估唔到咁後生「耍太極」都咁叻！
賭復市大跌贏餐飯
談及猴年市況，Jeffrey自爆過年前與多名城中政商要人打賭，話港股復市後會跌破一萬九千五百點，最後果然跌到「阿媽都唔認得」，贏了餐飯，但他拒絕透露誰是輸家，又話目前看不通後市，唔敢再開賭局住喎。Jeffrey又話，自己因業務需要，每年都會去一次巴西，雖然當地寨卡疫情嚴重，但他自言未驚過，所以今年會照去當地，但未定實時間，到時最多著多幾件衫包實自己。佢又話，對巴西奧運興趣不大，因○八年在北京已經看夠喎。
卓妮