政情:今日你上鏡:卿姐訪緬終晤昂山淑姬

民主黨主席兼立法會議員劉慧卿(卿姐)上周末應邀到緬甸訪問,卿姐於未出發前向傳媒表示,好期待可以與緬甸反對派領袖昂山淑姬見面。及至昨日,卿姐終於面對面同昂山淑姬見面及交談,據知當場仲有獨立議員謝偉俊同現正幫聯合國擔任國際議會顧問嘅立法會前秘書長吳文華。正所謂「三個女人一個墟」,唔知同為女性政治領袖嘅卿姐及昂山淑姬,以及於議會見證好多重要時刻嘅吳文華,三人有冇分享鼓勵女性參與政治嘅經驗以及喺議會工作嘅難忘事情呢?

第一手消息請下載on.cc東網iPhone/iPad/Android/Windows Phone Apps