中環出更：非洲歷險「心」驚膽跳

Jackie話，當時兒子黃進達（Jason）亦有同行，佢帶笑形容非洲大草原有好多斑馬，但就冇斑馬線，落雨後架車好似Ｚ字咁漂浮，真係好驚險。講起Jason接任香港旅遊業議會主席後，屢遭少數業界「挑機」，Jackie就話要同個仔打氣，支持佢瞓身為業界做事。

黎穎瑜鍾情法式文化

佢仲話，Jason上任後太忙，所以已經將公司八成工作量交畀同事，以便專注旅議會工作。好似今次原本係Jason應承出席活動，結果唔得閒，先至由佢頂上。

同場仲有勞工及福利局局長政治助理黎穎瑜（Jade）。Jade話，讀大學時曾到法國遊學三個月，笑言當年若有工作假期計劃，一定會申請到法國逗留長啲時間，體驗法式浪漫及文化氣息。

青年議會會長馬鴻銘及主席丁志威（Roy）都在場，Roy話，時下年輕人對香港現況頗多不滿，今次講座除咗有旅遊分享，仲有多國領事館及勞工處代表解答申請資格等問題，希望幫助港青大膽走出去。

卓妮

黃士心（前中）諗起非洲歷險都心驚。（受訪者提供）

黎穎瑜曾到法國遊學三個月，可惜當時未有工作假期。