要聞港聞
探射燈:忽冷忽熱易致石屎爆裂
近日天氣忽冷忽熱,導致全港各區多個屋苑及大學宿舍出現地磚和石屎剝落。有工程師指出,由於溫度差異變化,受冷縮熱脹影響,天花板石屎的微細裂痕擴大,加上滲水後,在寒冷天石屎內的水分結成冰霜,以致石屎膨脹爆裂,甚至剝落。
「突然出現一兩日特殊天氣,令一啲肉眼睇唔到嘅細微石屎裂痕再爆開,當氣溫降至零度時,石屎內嘅水分結冰膨脹咗,令石屎加大裂痕。」工程師黃澤恩表示,除了忽冷忽熱之外,天氣突然由乾燥轉成濕潤,同樣會令石屎牆磚爆裂,「過往都試過,可能乾燥咗一排,突然落幾日大雨,水分入咗喺石屎後面,之後就開始好多(磚)跌落嚟。」
屋苑宿舍同現批盪剝落
上周日本港經歷了五十九年一遇的最強寒潮來襲後,疑在冷縮熱脹物理效應下,有小西灣屋苑大廈走廊超過五十塊瓷磚爆裂,碎片散落一地,露出底層石屎;在馬鞍山欣安邨欣悅樓,多個樓層的走廊地磚拱起。日前嶺南大學男生宿舍單位樓頂,疑因受濕氣過重影響,有大片批盪剝落,跌落地面後散布一地,幸房中宿生無被碎塊擊中。
第一手消息請下載on.cc東網iPhone/iPad/Android/Windows Phone Apps