政情：公民講場：健波怕抹黑 「秀才遇着賊」

立法會財務委員會主席陳健波在日前表決港珠澳大橋工程追加撥款時提醒議員投贊成票，被質疑不中立，佢亦為自己無心之失致歉。未知係咪被呢件事嚇怕咗，陳健波前日決定唔會主持高鐵工程追加撥款嘅會議，改由副主席陳鑑林主持。陳健波在電台節目中形容，正如「秀才遇着賊」，為免被醜化，即使佢在高鐵事件上並無利益衝突，最終忍痛決定唔會主持有關會議。其實議會愈來愈政治化，相信無論邊個建制派議員主持會議都唔會好過。