政情：八網難逃：搞錯大埔地名周浩鼎瘀爆

立法會新界東補選本月底舉行，由細到大都喺大埔生活嘅學民思潮成員周庭，於社交網站附上網上截圖，寸爆民建聯候選人周浩鼎嘅社交網站貼文搞錯晒大埔啲地方名，包括寫錯富善街街市為「富善邨街市」，又搞錯太和港鐵站嘅名稱為大埔火車站。周庭坦言，身為大埔人一定知道富善街同富善邨係兩個唔同地方，叫周浩鼎做好功課先發貼文。我哋其後翻查周浩鼎嘅社交網站，發現該貼文嘅文字表述已更正為富善街街市及太和火車站。今次新界東補選有七名候選人，除咗有周浩鼎外，還有公民黨楊岳橋、新思維黃成智、本土民主前線梁天琦、獨立方國珊、梁思豪及劉志成。