中環出更：告別麗閣街坊 阿基似眼濕濕
民協立法會議員馮檢基去年區議會選舉輸咗畀工聯會「小花」陳穎欣，要讓出經營咗十二年嘅深水埗麗安邨議員辦事處。民協一連三日舉行感謝會回顧多年來同街坊服務，有女街坊上台講講吓嘢，突然停咗幾秒，當大家以為佢諗唔到下一句時，原來是激動到哽咽，而阿基都不時抹眼，雖然喊唔出，但死忍居多。
阿基話，今日就要將議辦交番畀房屋署，由陳穎欣接手，加上已經決定今年九月立法會選舉唔再選九龍西，令佢心情係雙重沉重，但他不會放棄麗閣及九龍西，皆因他已經將原辦事處電話轉駁去隔籬黨友選區、新任區議員鄒穎恒（Zoe）辦事處，又搵了麗閣邨居民協會借地方會見市民，話「今日分開，係明日重聚開始」。
力薦後輩鄒穎恒
被阿基形容為「青出於藍」嘅Zoe就話，她一三年中開始在麗閣選區服務，半年多後就開拓隔籬幸福選區。
她又指離開後才發覺阿基的辦事處有四百三十呎大，除了要幫街坊處理房屋、福利等問題，還要幫手處理很多「奇難雜症」，而將來街坊過一條馬路就可以搵到民協幫忙喎。
卓妮