政情：邱金榮雲南學師整米線
米線平日食得多，原來唔同年份或者出產地，整出嚟嘅米線硬度都可以有好大分別。本身經營食肆主打米線嘅稻苗學會主席邱金榮（Kelvin）早排去咗雲南參觀米線廠，特別搵師傅傳授相關技術，準備嚟緊生產屬於自家嘅米線。
取經拉麵 推陳出新
Kelvin話，過往佢哋食肆都只係購買其他廠生產的米線，不過缺點就係未必會搵到一種最啱心水嘅口感，選擇被限制，而眼見近年市面上好多拉麵店都推出唔同硬度嘅拉麵選擇，於是佢靈機一觸，有感米線都可以做到，決定自己生產，就可以研發唔同硬度及口感嘅米線。
據知Kelvin於早前雲南之行坐言起行，已經訂製埋生產米線嘅機器，而未來佢會嘗試以唔同種類同比例嘅米製造米線，提供予旗下店舖使用及售賣。