「呢招對得閒嘅人無效」
會議期間泛民一度不斷提出動議延長會議時間，希望令建制派頂唔順離場，甚至製造流會，點知最終拉布變捉蟲，首先頂唔順於晚上率先拉隊離場嘅竟然係泛民，順理成章連爭奪委員會及小組主席都「捧蛋」收場。
有建制派區議員事後孔明分析，泛民區議員雖然喺會上不斷發言同提出動議，感覺上同立法會拉布無異。
不過，撞正今屆區議會已經再無委任區議員，議會內亦已經少咗好多怕拉布嘅工商界人士，加上建制派部分新血都係年輕並且單身，「拉布呢招對得閒嘅人係唔work（無效）」，因此今次可以小勝一仗，之不過今屆嘅區議會只係啱啱開始，嚟緊大家都要有長期作戰嘅心理準備嘞！
卓妮