銅鑼灣：食肆霸路開檔招不滿
「間餐廳成日當正條街係佢舖頭嘅一部分咁，日日都擺晒啲枱枱櫈櫈出嚟，尤其係食晏嗰陣，半條路都畀佢哋霸晒！」於銅鑼灣上班的劉先生指，渣甸坊有食肆經常非法擴展營業範圍至行人路，午膳時間尤為嚴重，雖曾向食環署投訴卻遲遲未見改善，「都持續咗好耐，難免會令市民覺得執法冇乜成效。」
「檢控完轉個頭打回原形」
食環署發言人證實，接獲轉介後已派員巡察，發現投訴屬實，遂檢控食肆持牌人。而根據紀錄，除是次投訴外，該署於過去一年另外接獲五宗相關投訴，期間提出兩宗檢控。發言人又承諾，會繼續留意有關情況，及採取適當行動。
不過，劉先生近日再次行經上址，發現涉事食肆仍在行人路上招待食客，促食環署作出檢討，「做完檢控但轉個頭就打回原形，食環係咪應該反省吓，係巡得唔夠，定係罰則唔夠阻嚇力。」