探射燈:村屋五大保安漏洞 爆窗匪予取予攜

肆虐新界鄉村「爆窗匪」,令村屋住戶人人自危。保安程度較低的村屋成爆竊目標,大埔、沙田乃重災區,雖然住宅爆竊問題過往三年持續嚴重,但被捕人數卻只約佔案件數字的一成。記者重返爆竊重災區,發現五大保安漏洞,包括無保安駐守、無大閘、無閉路電視、無穩固窗花及無足夠警員巡邏,令村屋爆竊問題日益嚴重。有區議員批評,在區內甚少遇到警方鄉村巡邏隊及警員,警方亦甚少與區議會聯絡,無法有效打擊區內爆竊問題,只靠居民自救。

「我屋企幾年前畀人爆竊,窗花都冇整爛,個賊就咁穿過個窗花入屋,好彩我當時唔喺屋企,又冇乜值錢嘢畀人偷,但都唔見咗一對錶、少少現金。」居於大埔大窩西支路泰亨祠堂村的歐太表示,案發時剛搬入村屋不久,但至今仍猶有餘悸,她指當日早上外出工作,回家後便發現家中凌亂一片,但窗花卻未有被損毀,「成地都係櫃桶入面嘅嘢,覺得好奇怪,之後見到放錢嘅地方唔見咗錢,先知有賊入屋。」

她指出,事後鄰居經常互相提點,慎防賊人有機可乘,「貴重嘢都唔會放屋企,就算有保安員、大閘都未必有用,村屋爆竊通常都係睇準機會嚟偷。」

賊人撬開窗户潛入犯案

大埔是村屋爆竊重災區之一,一四年泰亨村一村屋發生爆竊案,女戶主返家發現屋內凌亂,露台門有被撬過痕迹,經點算證實失去現金、金飾及手錶,總值約三十六萬元。一三年,同村一幢三層高獨立屋亦曾遭爆竊,戶主發現睡房夾萬失去,內有證件及財物約值九萬八千元,初步相信賊人撬開地下廚房窗戶潛入屋犯案。而上碗窰村亦於一四年有村屋遭爆竊,損失十七萬元首飾。

鄰近港鐵站的沙田排頭村同樣是重災區,一五年十月,一名男住戶由外返回家中時,發現屋內有搜掠痕迹,警方發現單位一窗門被撬開,經點算證實失去總值約十一萬五千元的財物,包括相機、手提電腦及首飾。

保安設施較公屋私樓差

本報重返受「爆窗匪」肆虐的鄉村,發現五大保安漏洞,包括無保安駐守、無大閘、無閉路電視、無穩固窗花及無足夠警員巡邏。上、下碗窰村、泰亨祠堂村及排頭村的村屋,大部分的出入口均不設大閘,變成無掩雞籠,此類村落亦鮮見保安員駐守。村落並未有安裝閉路電視監察系統,不少村屋單位更是無安裝穩固窗花,讓賊人輕易入屋。

「村屋好難有大閘或者保安員,都係要靠自己睇緊啲。」居於排頭村的陳小姐表示,村屋的保安設施比一般公屋、私樓等簡陋,窗花亦難以抵擋賊人入屋,「有啲鄰居就係出一出去食飯就畀人入咗屋,惟有貴重嘢都放銀行。」陳指,年近歲晚,出入也會較小心,鄰居也會加緊互相照應。

區議員指警員巡邏不足

事實上,現時沙田警區的鄉村巡邏小隊由一名警長及七名警員組成,而大埔分區的鄉村巡邏小隊則由三名警長及九名警員組成。

沙田區議員及沙田鄉事委員會主席莫錦貴批評,在區內甚少遇到鄉村巡邏隊及警員,「不但黑點地區,連其他地方都好少見警員。警方之前都有同我哋做啲守望計劃,但作用唔大,未必阻嚇到賊人。」

他亦指,警方甚少與區議會聯絡,無法有效打擊區內爆竊問題,「只係畀一啲警方熱線啲居民,話有可疑人物就打畀佢哋,但好多時警方嚟到,可疑人物都走咗啦。」

圖/文:專案組

第一手消息請下載on.cc東網iPhone/iPad/Android/Windows Phone Apps