多啲運動、工作與生活平衡相信係唔少人嘅良好願望，施政報告就建議委派民政事務局負責體育政策嘅副秘書長擔任「體育專員」，以統籌及協調跨局或跨部門嘅體育工作。一向着重養生嘅保險界立法會議員陳健波就認為，運動真係好重要，加上香港依家好多宅男宅女，成日對住部電腦，如果有專責專員去做體育方面嘅工作，「令大家見多啲陽光、出番嚟打吓波」，無論男男女女，對身體同精神發展都會好好多，估唔到佢都咁關心宅男宅女喎！
