政情：八網難逃：陳維安大派窩心早餐

一年一度嘅施政報告今日出爐，連帶翌日嘅立法會特首答問大會，相信大家會做到無時停。立法會秘書長陳維安（Kenneth）今年一如既往大派早餐慰勞吓大家，佢在社交網站預告，會為大家準備咖啡、茶、三文治同曲奇餅（圖），仲加碼至足夠八十至一百人嘅分量，唔夠食會即刻派人再加單咁話，認真貼心。至於小食會唔會係來自有名食店，Kenneth就賣關子，淨係話總之值得大家畀個「＃多謝秘書處」啦！Kenneth連近來潮興嘅主題標籤（Hashtag）「＃」都活學活用，同年輕人接到軌喎！