西灣河：棄無升降機天橋 途人亂過路
「條橋冇升降機，要行成幾層樓梯先上到去，搞到行動唔方便嗰啲又用唔到，後生嗰啲就行快兩步，亂過馬路就算，根本就冇人會行條橋！」李先生表示，港鐵西灣河站上蓋行人天橋鮮見途人取道，擔心市民橫過筲箕灣道時易生意外，「咁搞法遲早會有車禍，會唔會加多個行人過路處？」
運署：將設過路處便民
運輸署及路政署發言人聯合回覆表示，該行人天橋於一九八五年落成，由當時的地鐵有限公司建造，其後路政署負責結構保養，而根據運輸署觀察，該行人天橋使用率較低，已加設告示，提示行人使用天橋，惟受環境所限，未有計劃增設升降機。
發言人又承認，現時行人普遍選擇在地面橫過筲箕灣道，為保障行人安全，運輸署將在西灣河文娛中心對出加設行人過路處，有關工程將於稍後展開。