探射燈：持牌人「失蹤」 遇事難討賠償
遇上賓館大廈火警意外，外地旅客可否追討賠償？執業大律師表示，一旦發生意外的賓館並非持牌賓館，旅客難以追查賓館負責人，追討賠償甚艱難。有旅遊業界人士指出，業界早已監管旅行社必須接洽持牌賓館，提醒個人遊旅客自訂賓館時要先查證賓館是否持牌。
「無牌賓館基本上係冇持牌負責人，有咩火警上嚟，其實真係唔知可以搵邊個負責。」執業大律師陸偉雄表示，無牌賓館大廈發生火警意外後，旅客難以追討賠償，「就算畀你搵到個負責人出嚟，佢又係咪有錢賠呢？佢哋可能會話自己無錢賠，甚至佢申請破產，到時旅客一樣係無法追討賠償。」
訂房前宜民政署網站查核
旅遊業議會前主席胡兆英指出，無牌賓館影響本地旅遊業發展，「我哋議會一早同旅行社表明，只可以搵持牌嘅賓館畀旅客，政府亦同時加強咗監管。」胡提醒一眾個人遊旅客，在網上預訂賓館前可到民政總署的網站查核，以確保賓館有持牌。