退休保障諮詢文件早前出爐，政府宣布將「有經濟需要」方案嘅個人資產上限定為八萬元，搞到社會爭議不斷。勞工及福利局局長張建宗尋日就戴晒頭盔話，希望大眾唔好只聚焦資產上限及援助金額，更辯稱話八萬元呢條線可以探討，絕對有調整空間喎，張建宗同太太喺香港擁有九個物業咁多，買樓還價經驗相信有番咁上下，莫非佢將退保當成買樓，一早壓低個價等社會還價？如果真係咁，就算政府最後還價一倍，提高資產上限到十六萬元，咁又會多咗幾多長者夠資格攞到退保呢？
