政情：今日你上鏡：蔡耀昌着縮水聖誕衫遊行

支聯會副主席蔡耀昌前日遊行，着住件用唐裝鈕扣嘅中西合璧嘅聖誕老人衫，睇真啲，衫袖好短，令佢凸出咗入面件黑色衫袖，唔通係特別訂造嘅至潮配搭？蔡耀昌話，呢件衫係支聯會資產，有十年歷史以上，佢不時都要負責着上身，點知着着吓，衫袖愈來愈短。佢覺得自己無理由會再增高，相信係件衫縮咗水，至於唐裝鈕扣，就係貪平買國貨，所以先咁特別。件衫縮晒水都要繼續着，唔通支聯會真係窮得咁緊要？定係為咗支持環保呢？