政情：華員會臨門 張雲正頭痕

倡「先易後難」分批處理

華員會建議，張雲正可以採取「先易後難」分批處理，逐步解決多項懸而未決嘅爭議，包括醫管局支援服務職系員工能夠與公務員達到「同工同工時」；又認為當局可以容許參加國情研習嘅工會幹事，享受特許缺勤，即係毋須請假參加活動。此外，華員會曾經要求林慧思就爆粗辱警一事道歉，所以今次訴求都針對語言暴力，希望作為僱主嘅政府能夠確保公務員安全和健康，落實措施阻嚇及懲處語言暴力。

盼公僕享有薪「食飯鐘」

華員會又認為，政府應該「展示關懷僱員福祉之心」，所以要求全體公務員可享有薪「食飯鐘」。至於最後一項建議就是為低層員工爭取，希望為呢班非公務員合約員工可以免費到公立普通科門診診療，又要求當局協助想轉制做公務員嘅員工轉職。除咗以上五項建議，該會更希望局方解決兩個新問題，分別係調整公務員薪酬時取消參照薪酬趨勢淨指標，以及優化二○○○年六月後入職嘅公務員服務條件。

工會一次過提出多項要求，睇來張雲正「先易後難」分批處理都唔容易，有部分仲係燙手山芋，包括公務員薪酬調整，萬一處理不當，不但影響公務員士氣，而且掀起風波。雖然未知張雲正有多少「斤両」、能否解決當前問題，但相信佢未來一段日子將會有排忙、有排煩，難怪佢聖誕節都要留港工作喇！