有麝自然香，好嘢梗係多人欣賞喇。東方報業集團旗艦網站「on.cc東網」一向受到網民熱烈歡迎，最近推出全新三合一APP，更加人見人愛，車見車載，下載同瀏覽量同為香港之最，勁！
冇花冇假o架，東網全新APP將原本嘅東網港澳、東網大陸、東網台灣三個APP合而為一，帶畀讀者更方便、更快捷嘅嶄新體驗，短短幾日新APP下載量倍增，氣勢如虹。統計數據顯示，東網成為香港瀏覽頁次最高及讀者瀏覽時間最長嘅新聞網站，都咪話唔威水。
讀者捧場唔係冇理由o架，東網一向精益求精，唔止提升效能，同時增加多項功能。好似東網直播咁，讀者有如處身現場，原汁原味，自然大受歡迎喇。呢，東網日前直播無綫《萬千星輝頒獎典禮》，網民大讚夠快夠多相，其中韋家雄奪最佳男配角嘅感人一幕，短短數小時已有數十萬讀者瀏覽，讀者更紛紛留言祝賀添。又好似早前慈雲山車房巨爆及西貢綁架案女事主羅君兒記者會等重大新聞，東網都係現場直播，讀者唔睇實點得吖。
現代人注重健康，東網有關健康嘅報道同樣備受關注，早前一則「洗濕頭瞓恐面癱」嘅報道，吸引逾百萬讀者瀏覽，足證東網唔止內容豐富，引領話題，而且仲非常貼身，受廣大讀者歡迎一啲都唔出奇。
話時話，東網APP領先全港，唔止一般讀者人人讚好，好多城中名人都係忠實粉絲。名模熊黛林同「甜姐兒」廖碧兒不約而同大讚全新APP嘅靜音功能，就算係睇緊戲或者拍緊戲期間，一樣能夠Update到最新最快嘅新聞。咁又係呀，東網新增推播通知選收功能，讀者可以選擇接收新聞及娛樂等推播通知，響音又得，靜音又得，梗係隨心所欲喇。
藝人明星紛紛捧場，政商界紅人對東網同樣推崇備至。港鐵候任主席馬時亨對集齊大陸、港澳、台灣新聞嘅新功能十分讚賞，話啱晒佢呢種大忙人，而佢最開心係可以由東網APP直接轉到東網Money 18 APP，令佢能夠即時掌握財經資訊。太子珠寶鐘錶集團副主席鄧宣宏雁就特別欣賞新增繁簡體字切換功能，以及畫面下方Menu Bar可揀選「最豪」資訊，皆因當中有大量消費資訊，對商家既實用又方便。
一句講晒，讀者嘅支持，就係東網前進嘅動力。東網銳意打造全球華人最強資訊網，今次全新三合一APP咁受讀者支持，未來一定更加努力，更上一層樓，大家千祈唔好錯過吖。