港台節目《城市論壇》尋日討論版權條例爭議，商務及經濟發展局局長蘇錦樑當然冇到，搵咗個副秘書長出席，身兼草案委員會主席嘅民建聯立法會議員陳鑑林（橄欖），就明知會畀網民鬧都親自出席，膽量好過好多高官同佢啲黨友。期間我哋仲見到佢個囝囝觀塘區議員陳俊傑，抱住自己細仔到現場撐老竇，之後佢太太同大仔都嚟埋。原來佢哋啱啱先至三代同堂去咗飲早茶，之後再分頭去論壇及到附近公園踩單車。有兒孫在場支持，橄欖自然講嘢都大聲啲！
