曾為教波付千元買場紙
「唔好講夜晚啲場畀人拎晒去搞私人聯賽，就算係下午時段我哋想教波，好多時都要問炒場黨買先有場。」標準流浪青訓總監羅國豪指，本港足球場求過於供，有時甚至「一場難求」，更坦言試過為「教波」，付近千元予炒家買場紙，「只要有商業登記就可以用團體名義訂場，佢哋會用多個商業登記去大包圍攞場，我哋十個申請最多只批到三個，唔夠場用只有向佢哋買場。」
羅坦言，現時關注或參與足球運動的人士增多，但球場數目則停滯不前，足球文化只有改變，「以前食完飯拎起個波就可以落街同幾個朋友踢，依家邊有可能呀，訂咗場先啦。」