「早個幾月已經見到爛到有條罅，之後條罅就愈嚟愈闊，上面舊石就愈嚟愈鬆，呢度咁多重型車經過，陣間震到甩出嚟好易引發交通意外！」西營盤居民陳先生早前發現皇后大道西近新街路旁石圍牆（俗稱雀仔橋）出現裂痕，擔心石塊鬆脫，對行車及途人安全構成危險。

路政署發言人表示，接獲轉介後已即時派員實地視察，發現涉事位置路旁花崗岩石圍牆一端有輕微損毀情況，已隨即安排承建商進行維修，相關工作亦已告完成。

「上網睇資料，條橋都起好成百幾年，同埋依家都好少見呢啲石橋，係呢區嘅地標，路政署好應該睇緊啲，唔好等到爛咗先嚟整。」陳指該石橋甚具歷史及文化價值，亦是居民集體回憶，促請路政署日後多加巡查，以免日久失修。