政情:極速發展 「啟」示南沙潛力

香港青年聯會首席參事霍啟剛尋日出席香港貿易發展局及環球香港商業協會聯盟主辦嘅「香港論壇」,講起其家族於南沙嘅發展,佢話家族已於當地投資咗十幾年,近期快速發展,唔多唔少係因為廣東自貿區嘅帶動。

「城市不應自設框框」

啟剛話,南沙位處於香港、澳門及廣州之間,故可以作為一個搖籃角色,聚集幾個地方嘅年輕人。佢又認為,南沙目前交通愈見方便,配合城市發展規劃,可以有更大地方容納文化及體育界嘅發展機會,舉辦類似國際單車賽等大型體育活動。南沙未來亦有潛力發展跨境電商、國際教育等,但一個城市發展不應自設框框,局限於發展某一些行業,佢又以硅谷為例,稱只要教育及金融等環境配套做得好,就可以吸引更多人前往發展及居住。

對於早前中港足球大戰一事,啟剛話希望大家唔好將比賽運動太政治化,認為應尊重規則及任何國家,稱就算播放其他國家國歌時,佢都會肅立企定定,相信噓國歌的人只屬少數。

第一手消息請下載on.cc東網iPhone/iPad/Android/Windows Phone Apps