立法會教育事務委員會搞嘅全港性系統評估（TSA）公聽會尋日終於登場，唔少家長、學生同埋教師等持份者出席。外號「吳得掂」嘅教育局局長吳克儉事先張揚因私人理由不在香港，所以由教育局副局長楊潤雄以署理局長身份上陣。有家長質問佢嘅子女係咪讀國際學校，亦有人批評吳克儉放假大過天，局方根本無誠意解決問題云云。今次吳克儉堅持放假風流快活，楊潤雄就代佢被插到背脊都係箭，有咁嘅上司，真係陰功囉！
