政情:民記輸區選 黨員鬥卸責

區議會選舉塵埃落定,各黨派隨即展開賽後檢討。其中建制派大黨民建聯(民記)雖然保得住百多個議席,但面對兩名雙料議員及多名資深議員意外落敗,就引嚟黨友議論紛紛。

老嫩兩輩互指摘

民記對外解釋冠冕堂皇,話今次區選完成咗新舊交替,老將落敗就總結為輕敵及疏忽。不過,聽聞民記喺選舉翌日召開中委檢討賽果,黨友之間就互相指摘同推卸責任,真係人前人後兩個樣。

唔知係咪見到今屆出現好多年輕面孔,有人喺會上抱怨部分議員年紀太大所以輸,有年長議員就反駁唔關年紀事,更指自己獲得嘅選票比上屆多。

另外有人怪責,部分資歷較深嘅議員覺得唔需要助選,甚至連洗樓名單都無,結果危急關頭先搵番僅有嘅名單洗樓救亡。不過,最離譜嘅係,竟然有人歸咎有選民嘅身份證畀仔女收埋。如果事件屬實,又事關重大,點解唔報警呢?

第一手消息請下載on.cc東網iPhone/iPad/Android/Windows Phone Apps