民協立法會議員馮檢基（阿基）輸咗深水埗區議會麗閣選區議席，無緣再戰下屆立法會選舉「超級區議會」議席。阿基尋日檢討選舉結果時，話今次結果反映比較多選民支持以物質建立網絡，佢會尊重同接受。呢番說話聽落非常刺耳，講到兩千幾名投票畀對手嘅選民，只係貪圖物質、蛇齋餅糉咁，其實阿基有冇檢討過自己嘅地區工作係咪做得唔夠呢？係咪唔夠多元化呢？難道佢無派過嘢畀居民？咁樣侮辱選民，如果佢下屆立法會選舉食回頭草返九龍西參選嘅話，真係祝佢好運喇！
