政情：今日你上鏡：邱達根難忘「機迷」歲月

香港資訊科技聯會會長邱達根（Duncan）日前出席香港電競總會成立典禮暨電子遊戲競賽活動，講起童年打機時光，佢話細個時家人冇乜點限制佢玩遊戲機，當中要數最經典嘅必玩遊戲一定係三國系列，可以話係大部分男仔都玩過嘅遊戲喎！Duncan話，唔少鍾意玩電玩嘅人都有儲落一啲懷舊遊戲機，包括任天堂紅白機，但佢就後悔以前唔識儲低，仲扔晒添，現時好多款機都已經買唔番，就算買到都唔及自己玩過嗰啲咁有價值喎。不過，佢依家就鍾意玩手機遊戲，好似現時好興嘅怪物彈珠遊戲，仲會同小朋友一齊玩添！