慈善基金：獲善長助學金 單親母女感激

阿儀十一年前未婚懷孕，女兒生父卻離她而去，自此獨力養家。二人居於深水埗一個二百呎的劏房，靠綜援及兼職維生，生活節儉，惜阿儀去年不幸患上腎炎，頓失工作能力，經濟更見緊絀。除要應付日常生活開支外，女兒開學的支出亦令阿儀大感躊躇，「平日衫都唔會買一件，阿女都係買二手校服。」

患病後需洗腎 搵工有心無力

自患病後，阿儀身體狀況大不如前，容易體力不支，日常生活大受影響，更遑論出外工作，「以前有人請、有錢搵就去做，清潔、物流咩都去做，勤啲兼職就鬆動啲；但依家就成個『藥煲』咁。」面對頑疾，阿儀每月需定時到醫院洗腎，亦需額外注意飲食，「好多嘢都唔食得，但又點都要食少少肉補充營養。洗腎機我哋固然買唔起，就連啲保健食品都好貴，健康好似要用錢買咁。」

生老病死總有時，阿儀勇敢面對，只望日後病情穩定，可再找兼職，猶幸女兒阿穎乖巧勤力，令阿儀心感安慰。阿穎現時就讀小六，在學校裏最喜歡常識科，自小已非常熱愛科學，閒時喜歡砌模型、閱讀科學書籍和刊物。阿穎成績一直保持在全級十名以內，平日放學後學校老師義務替其補習，目前最希望能升上心儀中學，日後成為科學家。

兩報基金日前已將一萬六千七百元善款悉數交予阿儀，阿儀坦言對接獲捐款大感意外，計劃將善款暫時存起，留待阿穎升中後用作補習及購買書本等各項開支，「依家仲有學校老師幫佢補習，但遲啲升咗中學，樣樣開支都一闊三大，到時開學就仲難捱。」母女二人非常感激各方善長的關心，阿穎亦承諾會繼續努力讀書，長大後回饋社會。

捐款編號：12733

記者：呂諾君