政情：高永文憶自由少男時代

覺得現今規多管嚴

高永文話因為自己嘅興趣係天文，所以加入天文學會，仲做埋會長添。不過，佢話覺得依家時代唔同咗，家長嘅學歷同要求都高咗，小朋友冇乜機會跟興趣去學嘢，形成咗好多「虎爸虎媽」，呢種發展對學生唔好。

高永文話當年天文學會個辦公室喺學校閣樓，可以連接天台，學校好放心咁畀低辦公室鎖匙佢哋自由出入。佢仲自爆當年就算夜晚通宵觀星唔返屋企，學校都唔會理。事隔幾十年，佢覺得依家啲學校嚴咗，規條多、管教嚴，家長又太注意小朋友嘅「起跑線」，認為呢啲情況係社會發展形成。

佢話最好嘅管教方法係學校唔需要咁多規條去管教學生，加上老師要以身教形式去教導學生，同學生一齊用唔同嘅方法去配合社會發展。