撤航班無通知 港龍遭客鬧爆

周先生今年八月下旬訂購三張港龍KA650航班機票，原定於十月上旬與兩名朋友前往三亞出席婚宴，另一友人吳先生亦於同日訂購同一航班機票，惟於出發當日早上辦理登機手續時，方獲地勤告知有關航班已經取消，周先生表示，「臨飛先話班機取消咗，嗰時好擔心如果飛唔成嘅話，個朋友擺酒會一個兄弟都冇，人生大事都留低污點！」

於官網購票 未接電郵通知

當時地勤職員指已透過中介轉告航班取消一事，「佢話九月中出咗電郵，但係兩個人當場查番電郵帳戶，都係冇收過任何通知。」加上，周、吳二人均直接在港龍航空網站訂購機票，而非經中介購票，更不滿職員解釋。最後一行人獲安排立即飛往廣州，再轉機前往三亞。周指路線「南轅北轍」，導致旅程延誤近四小時，「要即時飛去北邊，之後等一大輪先飛返去南邊。同埋一離開香港就唔再關佢事，有啲咩都冇人理，感覺好似走難咁！」

回覆不符事實 港龍稱誤會

港龍航空發言人最初指涉事航班於出發前一個月因營運原因取消，而紀錄顯示周先生並非親自訂購機票，登記的聯絡電郵地址亦非其本人。發言人又指於九月中已透過電郵通知機票訂購者有關航班改動安排，並安排所有原定乘坐該航班的乘客乘搭其他航班。發言人亦未有交代除周、吳一行人外，尚有沒有其他乘客遭遇同樣問題。

「張訂單寫明係我畀錢，又淨係登記咗我個電郵，都唔知港龍講緊咩！但我個電郵就一定冇收過佢話取消！」周先生反駁港龍回覆不符事實，又指當初訂購機票後旋即接獲確認電郵，質疑何以未能接獲取消航班的電郵。記者再次向港龍查詢，發言人口頭回覆指，根據姓氏字母順序排列客戶，故誤會由訂單中周先生另一朋友訂購，惟紀錄顯示已寄出有關電郵至登記電郵帳戶，要求不用理會之前的書面回覆。

溝通機制存在漏洞促檢討

「航班唔同一般貨品，去外地嘅人可能係要出席重要會議，或者關乎終身大事，去唔到就損失慘重，點可以寄咗個電郵出去就算？」立法會議員麥美娟批評，市民以往選擇港龍與國泰的原因為其信譽良好、服務可靠，惟近日事故頻頻發生，令市民大失所望。麥又指事件反映港龍與客戶的溝通機制存有漏洞，促請早日檢討。

投訴組