政情：公民講場：新空管系統 張炳良開期票

民航處斥資十五億元更換嘅新空管系統Autotrac 3，原訂於一二年底啟用，但喺多番延誤嘅情況下至今仍未能啟用。政府早前話啟用期係一六年上半年，運輸及房屋局局長張炳良尋日出席立法會大會時，多名議員都質疑系統能否如期運作，張炳良就話明年一月會模擬試行系統，預計明年上半年可投入運作。不過，市民都好清楚，政府多項工程都滯後，而呢個新空管系統亦唔係第一次延誤，究竟張炳良今次開嘅期票能否兌現，真係拭目以待，否則彈票又再一次失信於市民。