今個星期香港發生多宗與水有關嘅事故，先有躉船撞向汲水門大橋令大嶼山成孤島，前日再有港澳噴射船「海皇星號」撞及不明漂浮物造成逾百人受傷，搞到運輸及房屋局局長張炳良近期頻頻四出解畫。其實自張炳良上任後，香港發生過多宗涉及噴射船嘅海上意外，包括死傷嚴重嘅南丫海難，連食水含鉛事件都關佢事。照咁睇，張炳良真係好忌水，唔通政府要換人先拆得掂？
