新巴扶手銹蝕 鎅傷小孩
巴士危機四伏，扶手脫漆割傷手！「我同孫仔坐喺樓上前排個窗口位，幫佢扣完安全帶，佢突然間大叫，真係嚇咗我一跳，原來佢畀側邊扶手鎅親隻手，都唔知會唔會有破傷風菌。」何先生近日與孫兒乘搭新巴796X線往尖沙咀，發現巴士上層前排窗邊的扶手有油漆剝落，且出現銹蝕情況，孫兒更因此割傷手指，何擔心巴士裝置危及乘客安全，要求新巴加強巡查及檢驗，以確保乘客安全。
質疑每月檢修僅作抽查
新巴發言人表示，接獲投訴轉介後，已立即安排相關巴士回廠檢驗。發言人續指，一向十分注重車輛安全，並訂定了嚴謹的保養維修機制，每輛巴士每月及每年均需定期檢驗及全面檢修，以符合運輸署的安全標準。
「佢哋（新巴）係咪抽查咋，睇損毀程度至少爛咗一個月啦，都唔似每月有檢修，唔好呃市民喎！」何先生質疑新巴之維修機制，要求認真對待投訴並作出檢討。