公立醫院高級醫生額外加薪風波啱啱暫告一段落，但又輪到社福界要求政府向社福機構撥款加薪。立法會社福界議員張國柱尋日話，喺現時整筆撥款機制下，符合資格額外加薪百分之三嘅社福機構高層職員有廿幾人，預計政府額外支出唔會超過二百萬元。不過，究竟廿幾人加薪有冇號召力，能唔能夠向政府施壓就有啲成疑，唔知張國柱係咪諗住博大霧趁機會博一鋪呢？如果呢股要求加薪嘅風潮繼續刮落去，相信政府都有排忙兼夾幾頭痕。
