中環出更:夏千福敷衍 李漢奸丟架

國家主席習近平接連訪問英美兩國,受各界關注,一向被指「唱衰香港」嘅「李漢奸」民主黨創黨主席李柱銘及「民主阿婆」前政務司司長陳方安生,又點會甘於寂寞呢?尋日兩人齊齊出席由民主促進會主辦嘅午餐會,據聞與美國駐港總領事夏千福討論對於一國兩制、高度自治以及經濟發展嘅睇法。夏千福對於李漢奸有關一帶一路嘅提問只係敷衍回答,並喺席間多次提及要尊重北京,李漢奸今次真係碰到一鼻子灰!

唔知老美取態

據了解,夏千福喺會上就香港與美國關係發表講話,同時接受在場人士提問。對於佔領行動嘅看法,夏千福認為係香港內部事務,拒絕作出評價,但佢喺佔領行動中感受到市民同政府同時面對壓力。對於李漢奸問美國有無興趣參與「一帶一路」發展,同時會唔會邀請香港加入跨太平洋夥伴關係協定(TPP),夏千福就話香港作為獨立經濟體,係咪加入TPP影響不大;至於會否參與一帶一路就要由中國方面決定喎。

其實老美早已決定唔加入亞投行,李漢奸連「主人」旨意都唔清楚,仲亂咁問長問短,難怪碰到一鼻子灰啦。李漢奸同民主阿婆之前去英、美「唱衰香港」已被冷待,如今李漢奸又被敷衍,真係自己攞架嚟丟。

卓妮

第一手消息請下載on.cc東網iPhone/iPad/Android/Windows Phone Apps